SoluZión Enerxética co Club Ciclista Vigo-Rías Baixas

SoluZión Enerxética únese á lista de patrocinadores da estrutura presidida por José Luis Chamorro.

Trátase do primeiro reforzo para o seu novo proxecto, o da tempada 2022. O acordo entre o equipo que acaba de proclamarse vencedor do Ránking estatal Elite da Real Federación Española de Ciclismo e SoluZión Enerxética rubricouse nun cordial encontro entre José Luis Chamorro e os máximos responsables da empresa con sede en Moaña. A este acto tamén asistiu Benjamí Prades, xefe de filas do persoal do Vigo-Rías Baixas e actual campión de España Elite.